2010/03/04

සින්ඩියේ කට්ටියක් සයිබර් යායට ගිය කතාව !

ඔන්න සයිබර් යායෙන් මං ආපහු ආවා. අදට සයිබර් යාය සින්ඩිටය​ට ඈවිත් හරියටම මාසයක්. ඔය තියෙන්නෙ සයිබර් යායෙ රස කතා කියෝලා කොමෙන්ට් දාපු කට්ටියක් සෙට් වෙච්ච වෙලාවක්, ප්‍රවීණ චිත්‍ර ශිල්පියෙක් චිත්‍රයට නගපු ආකාරය!

දැං ඉතිං මවුස් එකේ රෝදෙ කරකෝ කරකෝ චිත්‍රෙ හොයන්නෙ නැතුව මේ ටිකත් කියෝගන හිමිං සීරුවෙ යන්ඩ. එතකොට චිත්‍රෙ හම්බවෙයි.

මම සින්ඩියට ආවේ 2010 -02-04 වෙනිදා. හැබැයි ''පුදපු ගමක් කාපි යකා'' කියන්නා වගේ එදා මගේ බ්ලොග් එකේ කොමෙන්ට් දාන්න බැරි කේස් එකක් ඈවිල්ල තිබුණා. ඒක නිසා හැමොටම සින්ඩියේ හිටපු අයගෙන් ලැබෙන සුබ පැතුම් කොමෙන්ට් එකක්වත් මට ලැබුනේ නෑ.

ඒත් ඉතිං ඊට පස්සේ දාපු ​පොස්ට් වලට නං බඩ කට පුරා කොමෙන්ට් තිබ්බා. මට ලැබුණු පළමු කොමෙන්ට් එක දාලා තිබුනෙ Gavels. එදා ඉදං අද වෙනකං දවස් 30ට කොමෙන්ට් 120 කට වැඩිය ලබා දුන්නු අයට මගේ හදපිරි ප්‍රණාමය පුද කරනවා!

මේ සංසාර ගමනේ මගේ පෝස්ට් එකක් පළමු වතාව​ට share කරලා මාධව හබරකඩ ලොකු පුන්‍ය කර්මයක් කරගෙන තිබුණා. අදට ෂෙයාස් 30 පැනලා තියෙනවා.

මගේ චිත්‍ර දැකලා ඒවා අගය කරපු දුකා, උඔටයි මේ ​මගේ ප්‍රණාමය! ඔන්න පිළිගනිං.

රටවල් 12 කිං විසිටස්ලා 1286 යි. බ්ලොග් එකේ පිරිවරට 31ක් එකතු වෙලා ඉන්නවා. ඉතිං මේ ඔක්කොම එක්ක බලද්දි මට මාර කික්.

ඈත්තම කියනවනං සයිබර් අඩවියේ අතරමං වෙලා මගේ බ්ලොග් එකේ එකම රසිකයා මං වෙලා ඉද්දි මටම එපා වෙලා තිබුනේ. මේ ඔක්කොම වෙනස් උනේ මම සින්ඩ්යට ආපු නිසා. ඒකට මම සින්ඩ්යේ මහත්වරුන්ට ගොඩාක් ස්තුතිවන්ත ​වෙනවා!

ඊට අමතරව සින්ඩ්යෙන් මට හොද සයිබර් යාලුවො සෙට් එකකුත් හම්බ වෙලා තියෙනවා. සමහරු මමත් එක්ක කතාබහ කරන්න පුද්ගලික ඊ-ලිපිනයන් පවා ලබා දිලා තිබුණා. මං අදින විත්‍ර අගය කරලා තිබුණා. නිවැරදිව ටයිප් කරන හැටි කියලා දීලා තිබුණා. ඉතිං ඒ වගේ දේවල් නිසා මං මේ දවස් වල මාර තෘප්තියකින් කාලය ගත කරතවා.

මගේ පෝස්ට් වලට කොමෙන්ට් කරපු, දිගමට ලියන්ඩ කියලා මාව අගයපු සියලු දේනාටත් සින්ඩියට ඈවිත් මාසයක් සම්පූර්ණ වෙන මේ වෙලාවෙ මං ආයෙත් ස්තුතිවන්ත වෙනවා!

''මොන මගුලකට ද බං උඹ ඹච්චර රෑ වෙනකං කොම්පියුටරේ ලග නිදිමරන්නේ?'' මගේ හිත මගෙන්ම අහනවා.

''එහෙම තමයි බං! ඔය ඉන්දරෙත් කියලා තියෙන්නෙ, කොච්චර කරත් මේ බ්ලොග් කෙරුවාව එපා වෙන්නෙ නැති හැටි ! කියලා'' මම හිතට කිව්වා.

අන්තිම ටික.....

ඔය චිත්‍රෙ දිහා බලල සමහරු තරහවෙයිද දන්නෑ. මම මුලිං හිතං හිටියේ මාසයක් සමිපූර්ණ වෙන දවසේ මගේ බ්ලොග් එකට ආපු ඔක්කොමල්ලවම කාටුන් කරලා දාන්න. ගැනල බලපුවාම 100ත් පැනලා. ඉතිං මට තියෙන වැඩත් එක්ක 100ක් අදින්ට ගියොත් වෙන වැඩක් කරන්න වෙන්නෙ නැහැ. අනික මගේ මැෂිමෙ තීන්තත් ඉවරවෙයි. (බබා) ඒක නිසා අහඹු ලෙස තෝරගත්තු 9 දෙනෙක්ව මට පුලුවං හැටියට කාටුං කලා. ඒ කවුද කියලා අදුරගත්තොත් ඔය අංක පිළිවෙලෙට ලියලා දාන්න.

හරිය​ට 9 දෙනාවම අදුරගත්තොත් වටිනා තෑගි. (සභාවේ සිනා!) මේ කස්ටිය තොරන්න සින්ඩියේ ඔක්කොමට සහභාගි වෙන්ඩත් පුලුවං හොදේ! පේනවා පොඩි වැඩිනං චිත්‍රෙ උඩ ඩබල් ක්ලික් කරලා ඒක ලොකු කරගන්ඩ පුලුවං කියලා අමුතුවෙං කියන්ඩ ඕනෙ නැහැනෙ නේ?

එහෙනං ඉදිරියේ දී තවත් රසකතාවකින් සෙට් වෙමු. එතෙක් ඔබ​ට සාමය සතුට පිරි සුබ කික් එකක් වේවා!









...................................................................

Related Posts Plugin for WordPress, Blogger...